خرید اشتراک از پایگاه اینترنتی دی ال سل

  • 04533459102
  • 09334592731
  • این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید

مقالات مذهبی

اشعار ترکی در رثای حضرت زهرا (س)

امتیاز کاربران

ستاره فعالستاره فعالستاره فعالستاره فعالستاره غیر فعال
 

 اشعار ترکی در رثار حضرت زهرا (س) 

مقام حضرت زهرا(س)
تاوصلت امری یئتدی پیمبرله حاصلـــــه
چوخلی خــانملارآچدی خدیجیله فاصله
چون حضرتین بئگنمه دیلرگوردیگی ائشین
یعنی خـدیجه بیلمه دی افسوس ارزشین
سست اولمادی شمادتیلن انتقادیلن
بیرایش گــوروب برابراولارمین جهادیلن
آختاردیقین تاپوبدیراوعلیامکرمه
کلا وئریبدی ثروتینی قطب عــــــالمه
پوزقونلادیدی حملی پیمبرجمالینی
سونسـیز دئینلرین ائشیدیب قیل وقالین
عاص ابن وائلین سوزی چاتدی پیمبره
ناراحت اولدی قلب جهـــــان لفظ ابتره
جبریل اودم ده نازل اولوب دیرحضورینه
وئیردی خبراوحضـــرته صلبینده نورینه
ناراحت اولماچشمه خیرات سنده دیر
الله بیــوردی صبرائله سین اجرمنده دیر

سونسیزاولاردی سنده بیوک بئیر مقام وار
نسلینده بئیرمطــــهره اون بئیرامام وار
قرخ گون فراقت امری واریندیرخدیجه دن
کوثــــرسنه عطا اولاجاق دیرنتیجه دن
قیزدیراوشاق که الله آدین قویدی فاطمه
گربویارانماسا دوشرعــــــالم طلاطمه
نسلون بونین وجودینه وابسته دیرسنین
اون بیراوغول که هــربئیری وابسته دیرسنین
ام الائمه ددوربووجودمقدسه
منظورحـــــق بودیربویوران اول تبارکه
امرخدایه ایتدی عمل حضرت رسول
یوخ احتیاجی یوخساوئیرردیم حدیثه طول
هردم خدیجه نین ائشیدردی مقالینی
صحبت تمام اولاردی ائشیتجک سلامینی
بیرگون سئوال ائدیب کیمیلن گفتگوده سن
یاکه عبــــادت ائیلیوسن ذکرهوده سن
عرض ائیله دی خدیجه بوجورلذت ائیلیور
بطنیمده کی اوشاق منییلن صحبت ائیلیور
ائیوده سن اولمیاندااوشاق رام ائدیرمنی
صحبت لریله چـوخ گوزل آرام ائدیر منی
حضرت بیوردی شکرائده ره م حی داوره
بئیرقیزدی بــــــوجنین بتول ومطهره
اون بئیرامامه مام وفادداردیربوقیز
دنیاوآخــــــــــرتده سالاردیربوقیز
معصوم دیربواون بئیراوغول رکن دین دیلر
دنیاده بئیربه بیئرمن ائیچون جانشین دیلر

===============================

مولا علی(ع) حضرت زهرا فیراغیندا ناله ائدیر:
ائی ناز ائلییه‌ن سینه‌ی-‌ی-پئیغمبره زهرا
بند-ی-دل-ی-طاها
دیداریمیـزی قــوْیـدو فلــک محشـره زهـرا
یانسێن بئله دونیا

دونیا سن ایله‌ن ترسه مدار اۆسته دوْلاندێ
ظۆلمینده دایاندێ
شئیخئین-ی-دغا حۆرمه‌تیوی حقّیوی داندێ
نه منده‌ن اوتاندێ

اوْد ووردو عدو درگـه-ی-ایجـلالیـوه یانــدێ
سینه‌ن یارالاندێ
تۆش ائتدی گؤزه‌ل دامـه‌نیــوی آذره زهـرا
یانسێن بئله دونیا

غرق ائتدی سنی محنتـه تـوفان اؤز ائوونـدا
عدوان اؤز ائووندا
اطفالون اوْلوب قوش کیمی وئیلان اؤز ائووندا
نالان اؤز ائووندا

سینه‌ن یاراسی اوْلمـادی درمـان اؤز ائوونـدا
لقمان اؤز ائووندا
وئرمیبـدی امان دست-ی-قضا حئیدره زهرا
یانسێن بئله دونیا

سن همّت ایله دوْققوز ایل اوْلدون منه غمخوار
ائی یار-ی-وفادار
چنگال-ی-سیته‌م ائتدی سنی درده گیریفتار
دیلخسته-وْ-بیمار

چکدین شرر-ی-هئجریله چوْخ سینه‌مه داغلار
قوْیدون منی آغلار
آیدێن سحه‌ریم دؤندۆ منیـم محشـه‌ره زهـرا
یانسێن بئله دونیا

ظۆلم اهلی سالێب خیرمه‌ن-ی-آمالیوی ناره
قوْزاندی شراره
ثانـی سنـی ووردوقـجـا علـی ائتـدی نظـاره
باخ صبر-وْ-قراره

نیسگیل بودو قوْیدوم سنی گیزلینده مزاره
پهلولری یاره
باخدێم نیگه‌ران تئـز یـومـولان گؤزلـره زهـرا
یانسین بئله دونیا

قوْیدو سنی دونیای-ی-دنی خوْش گونه حسره‌ت
یات قبریده راحت
عفـو ائیلـه منـی ساخـلامادێــم یاخچـی امانـت
وار منده خیجالت

باغـلار سینـه‌ویـن یاره‌سینـی ختـم-ی-ریسالـت
ائی لاله‌‌ی-ی-جنّت
خالیق یئتیره‌ر قاتیلیوی کئیفه‌ره زهرا
یانسین بئله دونیا

 

زبانحال حضرت سید الشهدا(ع)در وفات حضرت زهرا(س)

آنا نعشینه دوشنوب حسین          آنا وای دیوب حسن آغلادی
کفن ایچره ایله سیزیلدادی           باش اچیب اباالحسن اغلادی
انا وای دیوب حین اغلادی

ایکی شاهزاده ای خونجگر          ایله گلدی  شیونیله     دیله
ایکی اندلیب شکست ه پر          دیه سن گونوبدی سولان گله
اولارین فغانی غم   آرترور           هامی    بلبله  گله   سنبله
یری وار دیم   بو  مصیبته            گل و گلشن و چمن آغلادی
.......................................
حینینون ایلدی ناله سی            کفن ایچره فاطمیه      اثر
آچیلوبدی بند کفن آچوب            قولین اول بلا کش خون جگر
ایله چکدی سینیه جان کیمی     حسنینی توکدی سرشک تر
خانمین او کشف کرامتین          او جلالتین   گورن    آغلادی
..........................
نه دلیله من ایلیم بیان              نه ئمیش جلالت      فاطمه
سالوب اهل عالمی حیرته         او جلال و شوکت    فاطمه
بونی بیر خدای جهان بلور          که ندور شرافت     فاطمه
او شرافته او     مصیبته           ایدوب انجم انجمن آغلادی
.................................
ایله بیر مجلله بیر خانم            نه جهاندا کیمسه نشان ویروب
ایله بیر جلالتی بیر کسه         نه خدای  کون و مکان   ویروب
بیله شان صاحبینه دیمه         که بیر انی غصه امان    ویروب
النه کیمی آتا وای دیوب         توکوب اشک دیده دن آغلادی
..................................
او مقام و مرتبه صاحبی         آتاسی    خلاصه ای     انبیا
قولینی سالاردی گورن کیمی   گوزی  نوری   فاطمه   بویننا
گهی سینه سین گه الین اوپوب//بالاما دیردی اوزوم    فدا
بو سوزی دینده گوردیلر          او رسول ممتحن     آغلادی
..............................
بویوروردی سیز بیله بولمیون     آتالیق    محبتبن      ایلرم
بو محبت امر الهی دور           من اونون اطاعتین     ایلرم
بیر علاوه مد نظر که بو          بالامین مصیبتین       ایلرم
گترور ملال و   مصیبته          منی بو غم و محن آغلادور
.............................
بو قدر مصیبت و غم چکن      بو یقیندور عالمه   گلمیوب
آتادان سورا گئجه آغلیوب     گونوز آغلیوب یوزی گولمیوب
خبر صریحیدی بو خانم        که شهید اولوب اوزی المیوب
بدنینده صدمه ئیرین گوروب   اوئیدی ابالحسن  آغلادی
...............................
بو خانم جوانه وفات ایدوب    ایلیبدی ترک جهان جهان گیدوب
او آز عمریله آغاروب ساچی   بوکولوبدی قدی کمان گیدوب
بدننده قمچیلرین یرین         ایکی قولاریندا نشان گیدوب
آتاسی بهشته گورن کیمی   گویروب او گل بدن آغلادی
..............................
ایلمشدی  خاتم  الانبیا       اوزی     امته     بو وصیتی
قویورام ایچوزده  سیزون بوگون//بو ایکی گرامی امانتی
بریسی کلام مجیدیدی       بریده همین بو اوز عترتی
بو کلامی هر ایشیدن یانوب   بو وصیتی ایدن آغلادی
.....................
او وفاسیز امته باخ عجب      عمل ایلدی بو وصیته
توکولوب جفائیله اود وروب      نجه گور او باب رسالته
قیزی فاطمه دوتوب اودیانوب   نه دیوم که دوشدی نه حالته
او اسفلی حاله کناریدن        نظر ایلین گورن آغلادی
.................................
او حسینجانه نی حق گوروم     اوزی پایدار ایده هر زمان
واریدی{شهابیله}هر گئجه       نچه یار هم دل و هم زبان
سبب اولدی اوردا بو نوحیه       او جوان سید نوحه خوان
آناسی یقین نظر ایتدی کیم      ایشیدن گورن بولن آغلادی
اثر:مرحوم شهاب تبریزی

 

حضرت زهرا (س) شهادتی
ائی شمـع یانێـر کـوکب-ی-سیّـار اوْد ایچینده
پـروانــه چکیـر آه-ی-شــرر بـــار اوْد ایچینـده

سؤز باشـلامێشـام فاطمـه درد-وْ-محنینـده‌ن
ائتدیکجه رقم غـرق اوْلـو گوفتـار اوْد ایچینـده
بۆلبۆل پر آچـانمێـر، سێخێلێـب دامـن-ی-ناره
از بس کی ووروب شب پره مێنقار اوْد ایچینده
گۆل غۆنچه‌لری فیکـر ائلـه نـه حـالـه قالارلار
جبـریلــه‌ن اگــه‌ر یانسـا چمـنــزار اوْد ایچینــده
بیـر لحظـه تمـاشـاگـر ائلـه، دل گـؤزۆن آخـر
جــدا" گــؤره‌ک آیــا نــه خبـــر وار اوْد ایچینــده
جئبریل-ی-امین بوسه ووران درگهـه بیر باخ
گـویـا کـی یانێـر معبــد-ی-اســرار اوْد ایچینــده
خئیبر گؤتـۆره‌ن الـده باخێـن قئیـد-ی-قضایـه
یانـدی صـدف-ی-احمـد-ی-مختــار اوْد ایچینـده
ثانی نئجه گؤر نشر ائیله‌ییب ظولم-وْ-فسادین
آواره دی مــحـبـــوبــه‌ی-ی-دادار اوْد ایچیـنـــده
دیواره وئریب تئکیه، آخێر قان سینـه‌سینـده‌ن
فــریــاده گلـیبــدیـــر در-وْ-دیــــوار اوْد ایچـیــده
ائی گۆلشه‌ن ائده‌ن ناری خلیل‌الهه رحـم ائت
امّ‌النـجـبـــا اوْلــــدو گیــریـفتـــار اوْد ایچیــنــده
هاردا گؤرۆنۆب حمله‌ی-ی-خصمانه گتیرسین
بیر عــوره‌تـه اۆچ یـۆز نفــر اغیــار اوْد ایچینــده
آیـا نــه جســارتــدی بــو ثانیـــده خـــودایــا
صـدیقـه‌ی-ی-کبـرانی ائدیـب زار اوْد ایچینـده
آخــر نه روا حاملــه بیـر طاهـیـره عـــوره‌ت
نارس بالاسێـن سقـط ائـده ناچار اوْد ایچینده
زهرانی سالێب تنگه، عمر اؤز قاپێسێندا
قان ائتدی دؤشۆنده سوتو میسمار اوْد ایچینده
گؤردۆ قاپێنی قان بورویوب اوْدلادی فورا"
تـا محــو اوْلا قانــدان قـالان آثــار اوْد ایچینــده
قالماز بونو درک ائیله‌مه‌دی گۆن بولود آلتدا
گئتمــه‌ز آرادان مطلـع-ی-انــوار اوْد ایچینـــده
یانمازدێم اگه‌ر بیر اوْدا قێلسئیدی کیفایت
اوْلسایدی فقط فاطمــه خونبـار اوْد ایچینــده
قنفذ دان آلێب قمچینی اوْیناتــدی الینـده
گویا کی چێخێب صئیده سیه‌مار اوْد ایچینـده
قمچیله گؤگه‌رتدی هاراسی گلدی قباغـه
گـؤردۆ یـوْخ اوْ مظلومییـه غــم اوْد ایچینــــده
از بسکی ووروب فاطمه‌نی سالدی دؤزۆمده‌ن
درد ائتدی اوْنـون گؤزلرینـی تـار اوْد ایچینـــده
سسله‌ندی اوْ دم فضّه‌نی ایمداد ائله یاندێم
سالدی منی دیلده‌ن داخی اشرار اوْد ایچینده
آز قالدی عدو حملـه ائـده صحـن-ی-سـرایـه
ال تـۆت منـه ائـی یار-ی-وفــادار اوْد ایچینــده
فریادیمه گل چاره‌سیزه‌م محسنیم اؤلدۆ
یێخدی ائویمی قوم-ی-سیتمکار اوْد ایچینده
وئـر خامـه تسلـی بـو مصیبتـده بتـولــه
قوْیدو قاپێسێن کینه‌ی-ی-کفّـار اوْد ایچینـده
سؤیله سن اؤزۆن کی وارێدون کربُ – بلاده
گؤردۆن کی نئجه گرمیدی بازار اوْد ایچینـده
سن ناظیرێدون زینبوون خئیمه‌سی یاندێ
قالدی اوْ رشیده قێـزون آغـلار اوْد ایچینــده
سنده‌نده چتیت درده دۆشه‌ن زینبون اوْلدو
قوْیدو اته‌گین دوشمن-ی-جبّار اوْد ایچینــده
پروانه کیمی شهپه‌رین اوْددان اوْدا ووردو
به‌به نه گؤزه‌ل ائیله‌‌دی پئیکار اوْد ایچینـده
مأواسی یانان قوش کیمی آواره قاچاردێ
شایـد اوْلا اطفـالــه هـــوادار اوْد ایچیـنــده
سسله‌ردی دمادم کرم ائت ائی حَکَم الله
اوْدلاندی امانـت بـالا قێـــزلار اوْد ایچینــده
قوْیما منی شرمنده حۆسئینیمده‌ن ایلاهی
گؤرکیـم وار اوْلا حقّـه پرستـار اوْد ایچینـده
هر قێز دیله گلسه دئسه یاندێم شرر آلتدا
تئـز باشلارێنـا قمچـی وورارلار اوْد ایچینـده
رحم ائت یانار اوْددان قوتارێم ساجدی یا رب
خوْشدور مـن اؤله‌م قالمایا بیمـار اوْد ایچینده
ائیلـه نظر الله بـو قــوجـاغێمــدا کـی طیفلـه
داغلی دل‌یمی نالـه‌سی داغلار اوْد ایچینده
«سیفی» نه گؤزه‌ل رتبه‌‌ی-ی-ممتازه یئتیشدین
اوْلـدون گـوهـر عئشقــه خریـدار اوْد ایچینـده
شاعر: سیفی اردبیلی

 

حضرت علی (ع) بقیعده گئجه‌لر دیله گلیر:
بقیعه عادت ائدیب شاه لافتی گئجه‌لر
گۆنۆز گله‌نمیر ائدیر ناله و نوا گئجه‌لر

خجالتیله باتیر گۆن ائشیتمه‌سین سسینی
آیێندا عشقی یوْخ حتی اوْلا نما گئجه‌لر

گئجه اوْلاندا گئده‌ر قوشلار آشیانه‌سینه
بقیعده دوْلانێر غصه‌لی هما گئجه‌لر

هامی یاتێر اؤز ائوینده خیال-ی-راحتیله‌ن
آلێر قوجاغه بالاسێن یاتێر آنا گئجه‌لر

ولی یاتانمێر علی چون اؤلۆبدۆ زهراسی
یئرینی بوْش گؤرۆر ائیلیری بکا گئجه‌لر

نه زحمتله‌ن علی یوخلادێر بالالارێنی
گلیر بقیعه تاپا دردینه دوا گئجه‌لر

یواش آتێر قدمین دورماسێن حۆسئن یوخودان
یاتانمێری آناسێز چون اوْ مه لقا گئجه‌لر

و لیک بعضی گئجه تا دورور حۆسئن یوخودان
دئییر بابام گئدیری ای خدا هارا گئجه‌لر؟

ساغا سوْلا باخێری دشمن ائتمه‌سین تعقیب
قالێب نه حاله خدا شاه اؤلیا گئجه‌لر

ملک‌لر آغلێر علی اوْخشایاندا فاطمه‌نی
ائوینی ترک ائدیری شاه لافتی گئجه‌لر

خطاب ائدیر یانا یانا یارالی زهرانی
سن اؤلدۆن، اوْلدو علی درده مبتلا گئجه‌لر

گۆنۆز قورانمێری اؤز منزلینده بزم عزا
قوروبدو مجلس ترحیم مرتضی گئجه‌لر

گۆنۆز قوجاخلێرام اؤز منزلیمده دیزلریمی
مزارون اۆسته واریم دلده آه و وا گئجه‌لر

دعا ائله منی الله سنه ائده ملحق
کی بلکه خاتمه تاپسێن بو غم فزا گئجه‌لر

نقدری سسلیر حبیبی و لیک سس گلمیر
دوباره سئوگیلی‌سین سسله‌نیر آقا گئجه‌لر

اوْ گۆنکی منزله دشمن تؤکۆلدۆ وحشتیله‌ن
بیر اوْلدو گؤزلریمه گۆندۆزۆم و یا گئجه‌لر

ملک اؤپه‌ن قاپێمێز مقتل اوْلدو محسن‌یمه
ائویمده یوْخدو گۆنۆز رونق و صفا گئجه‌لر

مزارون اۆسته علی دلده غم گؤزۆنده سرشگ
حسین و زینبه ائیلیری دعا گئجه‌لر

چوْخ آرزو ائدیری قهرمان-ی-بدر و حنین
علی‌نین اؤلمه‌یینه حق اوْلا رضا گئجه‌لر

یارالێدێر  اۆره‌گیم وئر جواب مرهم قوْی
مریض اوْلموشام هجرونده قێل شفا گئجه‌لر

تؤکۆلسۆن آز قالێری توْپراق اۆسته اولدوزلار
تؤکه‌نده گؤز یاشی شاه کربلا گئجه‌لر

یئری وار عرض اوْلا ای شهریار-ی-کون و مکان
عنان-ی-صبرون الوندان اوْلوب رها گئجه‌لر

خانمون آیرێلێغی حالیوی پوْزوبدو سنین
کی ایستیرسه‌ن اؤلۆم آللاهیدن اوْلا گئجه‌لر

قوْلوندا واردی توان، ذوالفقار الونده هله
هامی باشوندادی جز خیرة‌النسا گئجه‌لر

گۆنۆز گلیر ائوه مقداد و بوذر و سلمان
سنه تسلی وئره‌ن یوْخ فقط شها، گئجه‌لر

صلاح دینه گؤره ذوالفقاری چکمیرسن
اسیر، گله‌نده سسون قوم اشقیا گئجه‌لر

خرابه ده نئجه اما دؤزۆب قێزون زینب
ائده‌ردی صبحه کیمی خالقه ثنا گئجه‌لر

سنین گئدیبدی الوندان وفالی بیر خانمون
بقیه اهل حرم واردی جابجا گئجه‌لر

سنیله سس سسه ائوده وئریرلر آغلوللار [آغلێرلار]
حسین و زینب و کلثوم و مجتبی گئجه‌لر

و لیک زینبین اؤلمیشدی یار و انصاری
یوخویا گئتمه‌زدی صبح اوْلا، دجا گئجه‌لر

دییه‌ردی یاتسام حسین‌ین بالالاری قوْرخار
خرابه قوْرخولودو سقفی یوْخدو وا گئجه‌لر

نماز شب قاپسیز، سقفسیز، مکاندا عجب
وئره‌ردی زینبه لذت ائدیر دعا گئجه‌لر

و لیک حضرت سجاد نقل ائدیر گؤردۆم
نشسته قێلدی نمازین اوْ با وفا گئجه‌لر

دئدیم نئچه گئجه‌دیر شاهدم نمازیوه من
عبادتون وئریری روحیمه جلا گئجه‌لر

نمازیوی بو گئجه‌ سن نشسته قێلدون عجب
دئدی توانیم علی یوْخدو بر ملا گئجه‌لر

یزید سهم غذا گؤنده‌ریر اسیرلره
کفایت ائیله‌میری قێزلارا غذا گئجه‌لر

اوْ دور کی دیزلریمین طاقتی گئدیبدی علی
دورانمێرام ایاغا نئیلیم بالا؟ گئجه‌لر

بقیع منظره‌سینده‌ن پوْزولدو «عینی فرد»
الهی بیرده گؤره‌ر اوْردا با صفا گئجه‌لر؟

غلامرضا عینی‌‌فرد زنجانی

 

حضرت زهرا (س) وصیتی
حضرت زهرا (س) قێزی زینبه وصیّت ائدیر:
اجلیم یئتیبدی یاخێنلاشێب، آناوێن شهادتی زینبیم
گئده‌جئک قوْناقدی فاطمه، سن اۆچۆن بو ساعتی زینبیم

لحظات-ی-آخر عؤمر دیر، گل ائده‌ک بو منزلی بزم-ی-راز
اۆره گیمده کی سؤزۆ فاش ائدیم، ائشیدیب صحیفه-ی-قلبه یاز
آتا قارداشون ائوه گلمه‌میش، بیر آز آغلایێب دانێشاق بیر آز
من اؤزۆم بو فاجعه‌دن دئییم، سنه سرسلامتی زینبیم

یئری واردی آتشی؛ آهیمین ائده نرم؛ سنگیله آهنی
دورابیلمیره‌م اجل اوْوچوسو، ائله دام-ی-غمده یوْروب منی
ائویمین بؤیۆک قێزێسان قێزیم، ائویمه کفیل ائدیره‌م سنی
آنانێن بؤیۆک قێزا رسم‌دیر، یئتیشه‌ر نیابتی زینبیم

فلک ائتدی دائیمی کشمکش، منیله جفالی رقیب تک
قوْیورام حبیبیمی دیده تر، گئدیره‌م وفالی حبیب تک
اوْلاجاقدی قبریم ائوی نهان، بیلیره‌م وطه‌نده غریب تک
دیریلیکده قدری بیلینمه‌یه‌ن، نئیلیر جلالتی زینبیم

دئ گؤرۆم اوْ هانسی عفیفه‌دیر، چکه غم بوزاره حزینه تک
دۆشه بحر-ی-درد-وْ-مصیبته، دوْلانا شیکسته سفینه تک
دئمیشه‌م آتوْن منی دفن ائده، گئجه‌نین زامانی خزینه تک
گۆنۆزۆن کی دفن-ی-خزینییه، یوْخودو لیاقتی زینبیم

گئجه غوسل اوْلاندا وجودیمه، یۆزۆن اشگیله بوْیانار قێزیم
قێز اوشاغی سؤز یوْخ آناسێنێ، یارالی گؤره‌نده یانار قێزێم
اوجادان ولی آنا وای دئمه، ائشیده‌ر آتوْن اوتانار قێزێم
اؤزۆنه کفایت عم اوْغلومون ائده‌ر اؤز خجالتی زینبیم

اؤز ائویمده قوْیمادی آغلایام، منی بو جماعت-ی-بی‌حیا
قاپی یاندێرانلارا دینمه‌دی، دیزینی قوجاخلادی مرتضا
دئمه‌دیم عم اوْغلوما چوْخ سؤز، دییه‌ره‌م پئیمبره جابیجا
یئرینه شیکایت ائده‌ن گره‌ک، یئتیره شیکایتی زینبیم

اوْ یانان قاپێم کیمی اوْلانێب یانا کاش خانه‌سی دوشمنین
گۆنۆزۆ قارا گئجه تک گئچیب، پوْزولا زمانه‌سی دوشمنین
دییه بیلمه‌دیم سیزه، نئیله‌دی منه تازیانه‌سی دوشمنین
بدنیمده ووردێغی قمچینین هله وار علامتی زینبیم

آنادان یتیمه اوْلان قێزێن، هامییا مؤثّر اوْلار سؤزۆ
تؤکۆله‌ر هؤرۆکله‌ری چیگنینه، ساری گۆل کیمی سارالار یۆزۆ
دوْلانار ائوی آناوای دییه‌ر آناسێن گزه‌ر گئجه گۆندۆزۆ
چوْبالار قفه‌سده کی قوش کیمی، گئده‌ر ایستیراحتی زینبیم

دئمیره‌م گئجه گۆنۆز آغلا یوْخ، غم-وْ-درد-ی-هئجریمه تاب ائله
یاسا گلسه شهر خانیملارێ، اوْلارا بو نوعی خیطاب ائله
آنامی دئ قمچیله‌ر اؤلدۆرۆب، گله‌نی سؤزۆ ایله مجاب ائله
سنه چون محوّل اوْلور بو گۆن، فدکین ویکالتی زینبیم

یانان آستانێمی گؤسته‌ریب، اوْلونان جفالری قێل بیان
باشێمێن بلاسینی شرح ائله، سوْرا قبر-ی-محسنی وئر نشان
اوْ خزان آپاردێغی غۆنچه تک، یوْلا سال گله‌نله‌ری باغرێقان
بیله هامی دۆشمن-ی-بی‌حیا، ائلییه‌ن جینایتی زینبیم

 

حضرت صدیقه طاهره (س)‌نین شهاده‌تینده نوحه
چون محبت بزمی خلوت‌دیر عم‌اوْغلی یا علی
گل ائده‌ک صحبت غنیمت‌دیر عم‌اوْغلی یا علی

بیر دقیقه قوْیمادی عالمده قلبین شاد اوْلا
درد-ی-محنتده‌ن موبارک خاطیرین آزاد اوْلا
چوْخ اذیت‌لر سنه وئردیم ائوین آباد اوْلا
ایندی وقت-ی-رفع-ی-زحمت‌دیر عم‌اوْغلی یا علی

دوْیمادێم بو عالم-ی-الفت‌ده سنده‌ن آغلارام
قبرده هم ائیله‌ره‌م شوریله شیون آغلارام
آغلاما مندن سوْرا سن آغلاسان من آغلارام
باخمارام فردوس-ی-جنّت‌دیر عم‌اوْغلی یا علی

دوْققوز ایل اوْلدوم بو دولتخانه‌ده همسه‌ر سنه
متّصل وئردیم بو دوْققوز ایلده درد-ی-سر سنه
ایندی گل اگله‌ن باشێم اۆستۆنده سرتاسر سنه
عرض ائدیم نئچچه وصیّت‌دیر عم‌اوْغلی یا علی

اوّله‌ن عرضیم بودور اؤلسه‌م اگر بو گۆنده من
اؤز الینله‌ن وئر گئجه غوسلیم، گئجه ائیله کفه‌ن
وورسا ال تابوتیمه بیگانه راضی اوْلما سن
روحیمه آرتێق اذیّت‌دیر عم‌اوْغلی یا علی

ثانییه‌ن منده‌ن سوْرا ائی خسرو-ی-گردون مدار
عورت آلسان بیر نجیبه عورت ائیله ایختییار
غم گۆنۆ تا زینب-ی-کلثومه اوْلسون غمگوسار
ائیله‌سین هر نوع حۆرمت‌دیر عم‌اوْغلی یا علی

بیرده قلبین مجتبادن اینجییه هر آن سنین
گئچ حۆسئینیم جانینه من جانووا قوربان سنین
قوْیما غم چکسین خصوصه‌ن جان حۆسئینین جان سنین
چون اوْ جدّینده‌ن امانت‌دیر عم‌اوْغلی یا علی

من بونون چوْخ زحمه‌تین چکدیم نه آسان بسله‌دیم
پرورش وئردیم گۆل اۆسته طورفه-ی-رئیحان بسله‌دیم
سسله‌یه‌نده جان دئ، منده جان دئدیم جان بسله‌دیم
چون جفاسی جانه منّت‌دیر عم‌اوْغلی یا علی

بو حۆسئینی کی سنه تاپشێردێم ایندی رو-به-رو
دقّت‌ایله‌ن باخ نئجه وئرسه‌م ائله آللام گئرو
باش بدنده، بارماق الده، ال بیله‌کده، مو-به-مو
گؤر هامی عضوین سلامت‌دیر عم‌اوْغلی یا علی

چوْخ مکدّر اوْلسا وار بو سؤزده درد-ی-سر یئری
یاخشی باخ سالێمدی برگ-ی-گۆل تک آخه‌ر هر یئری
نه باشێندا وار قیلیج نه سینه‌ده خنجه‌ر یئری
نه بدن یئکسه‌ر جراحت‌دیر عم‌اوْغلی یا علی

نور-ی-دیده‌م دیر حۆسئن باعیثدی چون گؤز یاشیمه
من گؤزۆمده‌ن سالمامێش سن تاپشێر آل-ی-هاشیمه
........
ایستی کۆللــه‌ر اۆسته راحت‌دیر عم‌اوْغلی یا علی
عاشیق-ی-جانبازدیر گیرم حۆسئینیم یوْخ سؤزۆم
منده نقد-ی-عئشقی خرج ائتمه‌کده صرّافم اؤزۆم
بیر بدن دؤرت مین یارا لاکین نئجه گؤرسۆن گؤزۆم
گؤر بو اینصاف-وْ-مروّت‌دیر عم‌اوْغلی یا علی
شاعر:صراف

 

حضرت علی (ص) حضرت زهرا(س)یه خیطاب ائدیر
دردیم دواسی زهـرا               روحیم صفاسی زهرا
گیزلینده قبره گئتمیش           گیزلین یاراسی زهرا
آواره دیر عم اوْغلون (2)

(شابئیت جاوابی)
زهرا منی دانێشدێر               آز قلبیمی آلێشدێر
گؤگلۆن کۆسۆبدۆ منده‌ن          اینصافه گل بارێشدێر
آواره دیر عم اوْغلون (2)

روسوا ائدیبدی کوفری، پئیغمبرین شوعاری
سێندێردی دست-ی-ظۆلمۆ، زیبا سؤزۆن، ووقارون
بیلمه‌م کی دۆشدۆ هاردان، جبره‌ن سنین گوذارون
غوسلون وئره‌نده گؤردۆم، نیلی اوْلوب عوذارون
آواره دیر عم اوْغلون (2)

واردێر یئری اوجالسا هر لحظه شور-وْ-شینیم
قوْل باغلێیام قضاده‌ن، چاره‌م کسیلدی نئیلیم
آواره دیر منیم تک ایسته‌کلی نور-ی-عئینیم
زینب غموندا اوْخشار، دائیم مله‌ر حۆسئینیم
آواره دیر عم اوْغلون (2)

جیسمون بۆرۆندۆ نوره، فانی دییاره گلدی
اوْن سگگیز ایلده بختون، تئز دؤندۆ قاره گلدی
میسمار اوْلوبدو باعیث، سینه‌ن فیشاره گلدی
بیر گۆنده دوْققوز ایللیک، عئشقون عیاره گلدی
آواره دیر عم اوْغلون (2)

من شاهکار-ی-خیلقه‌ت، سن شأن-ی-مولک-ی-جنّت
آیاته من مفسِّر، سن سوره‌لرده‌ن آیه‌ت
والشمس و الضحایه من سن گؤزه‌ل علامه‌ت
سن یاتمێسان یارالێ، من قالمێشام خیجاله‌ت
آواره دیر عم اوْغلون (2)

ظۆلم اهلینین داغێلسێن، زهرا گؤرۆم تیفاغی
گۆلزاری برهم ائتدی، سێندێردی گۆل بوداغێ
آخشام یانار چێراغلار، خلقین گله‌ر قوْناغێ
باخ گؤر آناسێز ائوده، کیم یاندێرار چێراغێ
آواره دیر عم اوْغلون (2)

قبر اۆستۆنه گله‌نده، من دل شیکه‌سته هر شب
اشک-ی-مولاییم ائیله‌ر، گؤز کاسه‌سین لبالب
گؤرره‌م حۆسئن سێزێلدار، اوْخشار سنی مرتّب
غم دیزلرین قوجاقلار، آغلار دالێمجا زینب
آواره دیر عم اوْغلون (2)

قوش آشیانی میثلی، برباد اوْلوب تیفاغیم
هر گۆن گؤره‌م مزارون، وار دیلده ایشتیاغیم
روحیم دۆشۆب صفاده‌ن، گلمه‌ز یئره آیاغێم
هئچ یانمایێب مرتبّ، سنده‌ن سوْرا جێراغێم
آواره دیر عم اوْغلون (2)
شاعر: سیفی

 

آیریلیق آیی
آخشامدیر، ایل؛ اوزاقلیق ایلی، آی: خزان آیی
چینینده   بیر  گونش  آپاریر باغری  قان آیی

داغلارهوروت- هوروت باخیراولدوزلارآغناییر
یولدان چاتیبدیر آل   گونشین   ایمتحان آیی

بیلمم نئجه یئتیشدی او   ایتگین یئره  گونش
تاپشیردی   توپراقا  سارالان ،  مهریبان، آیی

یوخ بلکه ده سولار ال ا له   وئردی   قویلادی
نم هانسی گولده گول کیمی رنگی آتا ن آیی

گوردوم    طبیعتین  گوجو نو   ائیله دیم  یقین
گویده ن یئره گتیر مگ اولارمیش گومان ،آیی

یئل اوخشائیر :دایان ،گونشین آرخاسی دایان!!
ماوی گویونده گئج چیخیب آی تئز باتان آیی

ای عیصمتین   عوصاره سی  ای  خلقتین گولو
ای گویلرین ایشیقلی یئری  ،  پارلایان     آیی

خلق  ایچره کیم ایشیقلیقا  ایستر  مثل  چکه
قاوزار  باشین  سمایه  وئرر  تئز    نیشان آیی

بوندان سورا سنین بو  نیشان سیز مزارینی
قالدی   گله   آچیقلایا    او     جمکران    آیی
7/2/89تبریز- شهودی

 

آنا یاسێندا
قوْیدون منی بو ائوده مله‌ر، آغلارام نه‌نه
گئتدین مزاره دیلده شرر، آغلارام نه‌نه

نیسگیلله‌رین دۆشه‌ر یادێما قلبیم اوْدلانار
اللر اۆره‌کده شام-وْ-سحر، آغلارام نه‌نه

یاد ائیله‌ره‌م سنیله کئچه‌ن گۆنله‌ری مودام
هاردان اوْ گۆنله‌ریم قایێدار آغلارم نه‌نه

سسله‌ردیم هر زاماندا نه‌نه، سس گله‌ردی جان
خوْش گۆنلریم کی یاده دۆشه‌ر آغلارام نه‌نه

دردین دییه‌ر آناسێنا قێز دۆشسه موشگوله
نئیله‌ر آناسی اوْلماسا گر آغلارام نه‌نه

قارداش آتا باجی هامێسێ، کیمسه‌دیر ولی
واردێر آنادا آیری ثمر آغلارام نه‌نه

ائوده آتا، آنا یئری وئرمه‌ز، یقیندی بو
هر گۆلده وار بیر عطر-ی-دئگه‌ر، آغلارام نه‌نه

گۆن دؤنسه آی دوْلانسا گله‌ر بایرام آخشامێ
بایراملێق الده گؤرسه‌م اگر، آغلارام نه‌نه

قارداش دا گئتمه‌‌سه باجی دیدارینه اگر
دیلده‌ن مگر آناسی دؤزه‌ر، آغلارام نه‌نه

هر کس گؤرۆب آنا داغێنی یاخشی درک ائده‌ر
قلبیم نده‌ن غموندا اسه‌ر آغلارام نه‌نه

قلبیم دوْلان زاماندا هئی سسله‌ره‌م سنی
گلمه‌ز منه جاواب-ی-دیگه‌ر، آغلارام نه‌نه

آمما بو آغلاماق غم-ی-دیگر سالێر یادا
دیل یاندێرار اوْ غملی خبر، آغلارام نه‌نه

آغلار اوْ غمده زینب-وْ-کلثوم، حۆسئن حسن
آغلار اوْ غمده چوْخ نه‌نه‌لر، آغلارام نه‌نه

زینب دییه‌ردی ائی آتامێن یاوری آنا
ائتدین نده‌ن بو نوعی سفر، آغلارام نه‌نه

هانسی آنا سنین کیمی گؤز یاشلی باغرێقان
گؤزده‌ن آتار بالانی مگر، آغلارام نه‌نه

زینب هارا آنا بو قده‌ر درد-وْ-غم هارا؟
هانسی اۆره‌ک بو درده دؤزه‌ر، آغلارام نه‌نه

آخشام اوْلان زامان چێراغی ائولرین یانار
قلبیم دوباره غصّه‌له‌نه‌ر، آغلارام نه‌نه

 

حضرت زهرا (س) عم اوْغلوسونا خیطاب ائدیر
اؤلۆره‌م عم اوْغلو گؤزۆن فدا، باشا چوْخ چتین محن‌یم گله
نفه‌سیم دۆشۆبدۆ شومارییه، دئ حۆسئینله‌ن حسن‌یم گله
---------------
دئ عم اوْغلو گلسین اوشاقلارێم، بو چتین زامانی گؤرۆم گئدیم
اؤز الیمله بیرده حۆسئینیمه، سوسوز اوْلسا گر سو وئریم گئدیم
گله زینب‌یمی یاواش-یاواش، بیر الیمله زولفون هؤرۆم گئدیم
کی چتیندی زولفونه زینب‌ین، آنا تک بیر ال چکه‌نیم گله
---------------
اؤز ائویمده من گؤره‌ن ایشله‌ری، داخی قوْرخورام گؤره‌ن اوْلمایا
آیێلێب {آیێنێب} سو ایسته‌سه هر گئجه، بو حۆسئینه سو وئره‌ن اوْلمایا
نده زولف-ی-زینبی من کیمی دارایێب داخی هؤره‌ن اوْلمایا
نه شریک-ی-غم اوْلانێم گله، نده دردینی بیله‌نیم گله
---------------
بالالارێم عطریمی بو یانان قاپێدان آلارلار عم اوْغلو جان
یانا یانا آه-وْ-فغان سسی، بو ائوه سالارلار عم اوْغلو جان
ندی چاره بو گئجه‌ده‌ن داخێ، نه‌نه‌سیز قالارلار عم اوْغلو جان
داخی قوْیما آه-وْ-نوایه چوْخ، حسن‌یم شیرین سخن‌یم گله
---------------
گئجه وقتی غوسلیمی وئر اؤزۆن، اؤز الینله ائیله‌گیله‌ن کفن
خوْش اوْلار کی ایسته‌مییه‌نله‌ره بو قضیّه اوْلمایا چوْخ علن
منه ائوده بزم-ی-عزا قورون، گر اوْلماسا یاسێما گلین
کی گؤزه‌لدی شیوه‌نه زینب‌یم، اوْ هزاره-ی چمه‌نیم گله
---------------
منی اوْخشاسێن بئله زینب‌یم، نه‌نه مونئس-ی-غم اوْلان نه‌نه
غم-وْ-غصّه‌سی چوْخ اوْلان نه‌نه، ولی عؤمری چوْخ کم اوْلان نه‌نه
ستم-وْ-جفای زمانه‌ده‌ن، اوجا قامه‌تی خم اوْلان نه‌نه
داخی موشگول ایشدی کی بو ائوه، نه‌نه سن کیمی گئده‌نیم گله

 

حضرت زهرا (س) نوحه‌سی
آللاه نه‌نه‌میز قبره اۆره‌کده یارا گئتدی
دیلده یارا، قوْلدا یارا، باشدا قارا گئتدی
قلبی یارالێ، دردی نهان، گئتدی مزاره
آز عؤمر ائدیب، عالمده جوان، گئتدی مزاره
باخدی حَسَینینه نیگه‌ران گئتدی مزاره
قلبینده غمی گلمه‌دی آخر سانا گئتدی
تاب ائیله‌دی هر لحظه غم-وْ-درد-ی-نهانه
اوْن سگگیز ایل عؤمرینده دؤنۆب قدّی کمانه
نیسگیلله‌ری قالدی بیزه بو ائوده نیشانه
هیجرینده بیزی سالدی یانار اوْدلارا گئتدی
یاندی قاپێمێز اوْندا کی اغیار آراسێندا
گۆل قالدی اوْ ساعت ائله‌بیل خار آراسێندا
پهلولری سێندی در-وْ-دیوار آراسێندا
نیسگیلله‌رینی یازدی در-وْ-دیوارا گئتدی
....
وردیم اوْلوب هر لحظه و هر آن نه‌نه‌م ائی‌وای
قلبی یارالی دیده‌سی گیریان نه‌نه‌م ائی‌وای
گۆل جیسمی گئده‌ن قبرینه پئنهان نه‌نه‌‌م ائی‌وای
هیجرینده مله‌ر دؤرد بالا قالدی آنا گئتدی

 

ایام فاطمیه
گل عم اوْغلو باشێم اۆسته، اوْخو قورآن اؤلۆره‌م
آغلایان گؤزله‌ریوه، فاطمه قوربان اؤلۆره‌م

دئمیره‌م غصّه‌سی چوْخ قدّی کمان آیرێلێرام
بخت ائویمده‌ن یئمه‌دیم بهره جوان آیرێلێرام
بالالارێمدان عم اوْغلو نیگه‌ران آیرێلێرام

بیلیسه‌ن غم یئتیشیب بختیمین اولدوزلارێنا
حورمت ائد فاطمه‌نین بو آناسێز قێزلارێنا

سنه زحمه‌تدی اگرچه ولی منّتدی منه
بیلیسه‌ن چوْخدو علاقم بو حسین و حسنه
گؤزده‌ن آتما بولاری فاطمه قورباندی سنه

چکمیشه‌م دهریده زحمه‌تلرینی غم یئمیشه‌م
سسلئییبله‌ر نه‌نه هر وقتیده من جان دئمیشه‌م

دیلله‌ره دۆشسه جماعت دییه‌جک بیربیرینه
هئچ کیمین غملری چاتماز اوْ حزین‌ین غمینه
نه گلین گتدی نه گؤنده‌ردی قێزین بخت ائوینه

گۆلشن-ی-عمرینه آفت یئتیشیب تئز سوْلدو
آرزیسی قالدی یانان دیلده جاوان مرگ اوْلدو

بیرده آی مظلوم عم اوْغلو ائدیم آگاه سنی
اوْلسا ایمکانی اگر شاد ائله بو فاطمه‌نی
قوْیدون اؤز اللـریویله‌ن، ائله کی قبره منی

هامی ترک ائتسه‌ده سن قبریمی ترک ائتمییه‌سن
قالاسان قبریمین اۆسته گئجه‌نی گئتمییه‌سن

الغرض ائتدی وصیتلرینی دخت-ی-نبی
آیری بیر حاله سالێبدێر شه-ی-والا نسبی
گۆن دوْلاندی یئتیشیبدیر گئجه‌نین نصف-ی-شبی

فاطمه قێزلارێنێن گلدی اوْ موشگول گئجه‌سی
ثبت اوْلوندو اوْ گئجه حیدره نیسگیل گئجه‌سی

ائی قلم یاز اوْ گئجه، اوّل هیجران گئجه‌سی
زینب‌ین غمله‌رینین یعنی فراوان گئجه‌سی
نه‌نه یاسینده اوْلان سینه‌سی سوزان گئجه‌سی

اوْ گئجه خوْش گۆنۆنه زینب‌ین آخر گئجه‌سی
دای اوْ گۆنده‌ن ائله‌بیل غم یازێلێب هر گئجه‌سی

اله‌ییر ختم-ی-رسل اشکین عذاره اوْ گئجه
فاطمه آیری دۆشۆر قلبیده یاره اوْ گئجه
قوْیور اؤز همسری گیزلینجه مزاره اوْ گئجه

اوْ گئجه ایدی، نه‌نه‌سیز قێزلارێنێن غم گئجه‌سی
باشلانێر فاطمه‌نین دهریده ماتم گئجه‌سی

بیلمیره‌م من، شه‌-ی-محشر اوْ گئجه چکدی نه‌لر
غوسل ائدیب فاطمه‌نین جسمینی با دیده‌-ی-تر
اوْلدو تشییعینه آماده فقط یئددی نفر

حمل ائدیبله‌ر گئجه‌نین عاله‌می وای دونیایه
گتیریب یئتدیله تا دفن اوْلونان مأوایه

اؤزۆ بر قبر قازێب فاطمه‌یه شیر-ی-خدا
بو یانان قلبلر اوْلسون اوْ یانان قلبه فدا
دوتدو تصمیم اؤزۆ اۆز همسرینی قبره قوْیا

گؤردۆ بیر ایش اوْ زامان لرزه‌یه آفاقی سالێب
نعشین آغلار گؤزیله اللرینین اۆسته آلێب

ایسته‌دی یارێنی قبره قوْیا سولطان-ی-جهان
گوئیا کی ایکی ال اوْلدو نمایان اوْ زامان
گلدی سس فاطمه‌نی وئر منه اوْلما نیگه‌ران

آغلایێب گؤز یاشێنی خون-ی-دیله قاتما علی
بو قده‌ر آغلایێب، عالملری آغلاتما علی

آی عم اوْغلو سنه تاپشێردێم امانت بالامێ
ترک قێلدێم من اوْ صاف-وْ-سلامت بالامێ
قایتارێبسان ندیر علّت کی بو حالت بالامێ؟

غم-وْ-آلام-ی-زمان سرو کیمی قدّین اگیب
سینه‌سی صدمه گؤرۆبدۆر، یۆزۆنه سیلی دگیب

تا ائشیتدی بو صدانی، اوْ شه-ی-دلخسته
اۆره‌گی درده گلیب آغلادی هئی آهیسته
بالالار ائوده پریشاندی، علی قبر اۆسته

اوْ قده‌ر سؤیله‌دی غم سؤزلرینی اؤز-اؤزۆنه
غالیب اوْلدو یوخو تا اینکه اوْ مولا گؤزینه

عالم خوابیده گؤردۆ اوْ شه-ی-کون-وْ-مکان
دامه‌نینده‌ن یاپێشێب فاطمه با آه-وْ-فغان
ائدیر ایظهار عم اوْغلو نیگه‌رانم نیگه‌ران

ایسته‌سوْن فاطمه‌نین دؤنمه‌یه گؤز یاشی سئله
دور آیاق اۆسته عم اوْغلو ائوه تئز رجعت ائله
...
فاطمه سؤزلرینی درک ائله‌دی شاه-ی-زمن
دوروب آیرێلدی ائوه ساری گلیر دیلده محن
ائوده یوْل گؤزلۆر حسین زینب و کلثوم و حسن

نئجه گلسین اوْ گئجه ام ابیهاسیز ائوه
نئجه گلسین ائوه، هانسی ائوه زهراسیز ائوه

4.5555555555556 1 1 1 1 1 امتیاز 4.56 (27 امتیاز)

دیدگاه‌ها  

مجتبی
+15 # RE: اشعار ترکی در رثای حضرت زهرا (س)مجتبی 1395-11-28 09:07
خیلی ممنونم واقعا لذت بردم اجرتون با حضرت زهرا سلام الله علیها
پاسخ دادن | گزارش به مدیر

نوشتن دیدگاه

با عنایت به اینکه نظرات و پیشنهادات شما کاربران گرامی در بهبود خدمات رسانی پایگاه اینترنتی دی ال سل نقش کاملا موثری ایفا می کنند لذا صمیمانه از شما خواهشمندیم با عنایت به حدیث «مومن آیینه مومن است» ، شما نیز آیینه ما باشید و با یادآوری نقاط ضعف و قوت پایگاه اینترنتی دی ال سل، ما را از این امر محروم نفرمایید.

چند نکته مهم:
• نظرات شما پس از بررسی و بازبینی توسط گروه مدیریت برای نمایش در سایت منتشر خواهد شد.
• نظرات تکراری و تبلیغاتی، تائید نمی شوند و امتیازی هم به آنها تعلق نخواهد گرفت.
• در صورتی که نظر شما نیاز به پاسخ دارد، پاسخ خود را در ذیل همان موضوع دنبال فرمایید.

تصویر امنیتی
تصویر امنیتی جدید

آدرس تلگرام ما - پایگاه اینترنتی دی ال سل

وبسایت dlsell.ir
پشتیبانی support@dlsell.ir
تماس با ما contact@dlsell.ir
راهنمایی help@dlsell.ir
فروشگاه market.dlsell.ir
اینستاگرام dlsell.ir
پشتیبانی تلگرام dlsell@
کانال تلگرام dlsellmarket@
بهترین وضوح تصویر برای مشاهده سایت 1600x900 پیکسل می باشد.
بهترین مرورگرها برای نمایش سایت به ترتیب از راست:
پایگاه اینترنتی دی ال سل   پایگاه اینترنتی دی ال سل   پایگاه اینترنتی دی ال سل   پایگاه اینترنتی دی ال سل   پایگاه اینترنتی دی ال سل

سرورهای ایرانی

تمامی حقوق این سایت متعلق به " پایگاه اینترنتی دی ال سل " می باشد.
طـبق ماده 12 قانون جرائم رایانه ای هرگونه کپی برداری، پیگرد قانونی دارد.

logo-samandehi

کانال آموزشی و خرید در تلگرام

خرید امن

Powerd by: Dlsell.ir - Copyright © 2020